Смяротнае ДТЗ пад Ашмянамі: кіроўца вылецеў з салона
Пажылы аўтамабіліст на «Рэно» не справіўся з кіраваннем і паляцеў у кювет, аварыя адбылася ўвечары 13 ліпеня недалёка ад Ашмянаў, паведамілі ў ДАІ Гродзеншчыны.
14.07.2023 / 09:39
Фота: ДАІ
«64-гадовы кіроўца рухаўся з боку вёскі Баруны ў напрамку райцэнтра. На закругленні дарогі ён зачапіў абочыну, пасля чаго страціў кіраванне і з'ехаў у левы кювет, дзе перакуліўся», — гаворыцца ў паведамленні ДАІ
У выніку ДТЗ пенсіянер вылецеў з салона і загінуў. Цяпер высвятляецца, ці быў ён прышпілены рамянямі бяспекі.