Śpiakotnaje leta 2023-ha. Na vychadnych buduć amal tropiki
Sinoptyki raskazali na nadvorje na samuju siaredzinu leta 15—17 lipienia.
14.07.2023 / 15:52
Fota: «Naša Niva»
U subotu pieravažna biez apadkaŭ. Nočču tempieratura budzie znachodzicca ŭ miežach +10..+16°S, maksimalnaja dniom składzie +23..+29°S. U Minsku čakajecca da +27°S.
U niadzielu na terytoryju krainy buduć raspaŭsiudžvacca ciopłyja pavietranyja masy trapičnaha pachodžańnia. Biez apadkaŭ, karotkačasovyja daždžy tolki ŭ asobnych rajonach pa zachadzie krainy, navalnicy. Nočču budzie +8..+14°C, dniom tempieratura budzie vahacca ad +25°C pa ŭschodzie da +34°C pa paŭdniovym zachadzie. U Minsku čakajecca +29°C.
U paniadziełak, 17 lipienia, umovy nadvorja budzie vyznačać atmaśfierny front, jaki źmiaščajecca z zachadu na ŭschod. Nočču i ranicaj na bolšaj častcy terytoryi, dniom miescami pa krainie projduć karotkačasovyja daždžy. U asobnych rajonach navalnicy. Nočču ad +12°C pa ŭschodzie da +20°C pa paŭdniovym zachadzie, maksimalnaja tempieratura dniom +25..+31°C, pa poŭdni krainy pavietra prahrejecca da +33°S. U Minsku čakajecca +29°S.
A voś z aŭtorka, pavodle pogoda.by, znoŭ stanie chaładniej. U Minsku, naprykład, čakajecca +22°S.
Čytajcie taksama:
Na poŭdni Jeŭropy prahnazujecca niečuvanaja śpioka. Miescami +48,8°C