Na miažy Hiermanii i Aŭstryi ŭ biełaruskaha dalnabojnika znajšli nož. Pa niamieckich zakonach heta parušeńnie
U rajonie niamieckaj abščyny Kifierśfielden, raźmieščanaj na miažy z Aŭstryjaj, u 36-hadovaha biełarusa kanfiskavali nož. Pra heta paviedamlaje miascovaja palicyja, piša sajt «Biełaruś i śviet». Kiroŭca mieŭ nož u siabie ŭ kabinie, a ŭ Hiermanii zakony ŭ dačynieńni da nažoŭ strohija i składanyja.
14.07.2023 / 16:11
Fota, zroblenaje niamieckaj palicyjaj. Nož biełarusa, vidać, unizie źleva
Biełarus jechaŭ na hruzaviku pa trasie A-93. Nož ź lazom daŭžynioj kala 14 santymietraŭ byŭ znojdzieny ŭ jaho padčas pamiežnaha kantrolu. Jon lažaŭ u słoiku pamiž siadzieńniami kiroŭcy i pasažyra.
U Hiermanii zakony adnosna nažoŭ strohija i składanyja. Zabarony zaležać ad daŭžyni, typu fiksacyi i miechanizmu adkryćcia laza, ad taho, zachoŭvajecie vy ich doma, nosicie z saboj ci pieravozicie i hetak dalej.
Niamieckija pravaachoŭniki pry nahodzie raskazali taksama jašče pra piać vypadkaŭ, kali ŭ ludziej, jakija jechali ŭ transpartnych srodkach, na hetym učastku miažy kanfiskoŭvalisia nažy. A 15-hadovy bałharski padletak vioz u svaim bahažy navat dva kastety.
Va ŭsich vypadkach buduć praviedzieny sudovyja razbory pa padazreńni ŭ parušeńni zakanadaŭstva ab zbroi.
Čytajcie taksama:
Biełaruskija pamiežniki abvinavacili litoŭskaha kalehu ŭ parušeńni miažy. Litoŭcy nie piarečać
U Varšavie biełarusa abrabavali, pahražajučy ŭkałoć šprycam ź VIČ