У Беластоку сёння ўрачыста адкрылі сквер Вольнай Беларусі ФОТЫ
14 ліпеня ў Беластоку з удзелам Святланы Ціханоўскай і кіраўніцтва горада адбылося ўрачыстае адкрыццё сквера Вольнай Беларусі, які нядаўна стварылі каля Генеральнага консульства Рэспублікі Беларусь. Цяпер назва гэтага сквера мае фігураваць у афіцыйным адрасе консульства.
14.07.2023 / 22:24
Святлана Ціханоўская прыехала на ўрачыстае адкрыццё Скверу Вольнай Беларусі з партрэтам зняволенага мужа Сяргея Ціханоўскага
Святлану Ціханоўскую на ўрачыстасці прадставілі як прэзідэнтку вольнай Беларусі. На фота яна з прэзідэнтам Беластока Тадэвушам Трускаляскім. Разам з Ціханоўскай прыехалі на ўрачыстасць і члены Аб’яднанага пераходнага кабінета. Сярод іх быў і Павал Латушка, які ў пачатку сваёй дыпламатычнай кар’еры быў, дарэчы, кіраўніком беларускай дыпламатычнай місіі ў Беластоку.
Выступае Святлана Ціханоўская. У сваёй прамове яна падзякавала ўладам Беластока за тое, што яны ўхвалілі рашэнне аб з'яўленні ў Беластоку сквера Вольнай Беларусі. Гэта праява салідарнасці з Беларуссю, сказала Ціханоўская. Дэмакратычная лідарка адзначыла, што надыдзе час, калі беларусы Падляшша будуць жыць разам, калі Беларуст стане часткай Еўрапейскага саюза.
Сімвалічнае адкрыццё сквера.
Святлана Ціханоўская з Тадэвушам Трускаляскім. Прэзідэнт Беластока казаў на ўрачыстасці, што цяпер беларускае консульства мусіць пазначаць на сваёй карэспандэнцыі адрас, у назве якога ёсць Вольная Беларусь. У скверы толькі адзін будынак, і гэта беларускае консульства. Зʼяўленне сквера Вольнай Беларусі сімвал таго, што палякі не забыліся пра паняволеных беларусаў, падкрэсліў Трускаляскі.
Шыльда беларускага консульства.
На адкрыццё сквера сабраліся мясцовыя беларусы.
Чытайце таксама:
Ціханоўская сустрэлася з кіраўніцтвам Беласточчыны і адкрыла сквер
На Падляшшы ў пятніцу пачынаецца трэці Фестываль абуджаных Тutaka