Juryj Antonaŭ na «Słavianskim bazary» pažadaŭ zdaroŭja Łukašenku, ale padviało jano jaho samoha
Na aficyjoznym «Słavianskim bazary ŭ Viciebsku», jaki prachodzić hetymi dniami, 78-hadovaha vieterana jašče savieckaj estrady Juryja Antonava daviałosia vyvozić sa sceny razam z rajalem, paviedamlajuć rasijskija miedyja.
15.07.2023 / 21:09
Juryj Antonaŭ vystupaje ŭ Viciebsku. Fota: mk.ru
Vystupleńnie Antonava na scenie ŭ Viciebsku nie było zajaŭlena ŭ prahramie i stała, jak paviedamlajecca, niečakanaściu. Jamu šmat hadoŭ dakučajuć boli ŭ nazie, tamu jon ciapier redka byvaje navat u Maskvie, siadzić uvieś čas u zaharadnym domie.
Hetym razam, adnak, łukašenkaŭcam niečym jaho ŭdałosia zavabić, bo Antonaŭ usio ž vyjšaŭ na scenu fiestyvalu, pryčym navat biez dapamohi kija. Najpierš jon pažadaŭ pośpiechaŭ i zdaroŭja prysutnamu ŭ zale Łukašenku, paśla sieŭ za bieły rajal i vykanaŭ niekalki svaich najbolš papularnych chitoŭ. A voś syści sa sceny samastojna ŭžo nie zmoh.
Vidać, nohi artystu paśla nahruzki ŭžo kiepska słužyli, tamu jaho daviałosia razam z rajalem pieravieźci na kraj sceny. Tolki tam jon zdoleŭ vyjści z-za instrumienta i pajści za kulisy.
Čytajcie taksama:
«Nie kryŭdzicie jaho prosta biez pryčyny». Niaviestka Łukašenki pryśviaciła jamu novuju pieśniu