На дачы ў Клічаўскім раёне бацька выратаваў на пажары сына, а сам загінуў
Здарэнне адбылося ўчора каля 17:30. Дом, дзе адбыўся пажар, выкарыстоўваўся як дача сям’ёй з Бабруйска.
16.07.2023 / 10:00
Фота: МНС
Гаспадар, 1967 г. н., на момант пажару знаходзіўся ў доме з сынам, 2014 г. н.
Хлопчык расказаў выратавальнікам, што калі пачаўся пажар, бацька дастаў яго праз акно на вуліцу, а сам паспрабаваў выйсці праз веранду дома.
Работнікі МНС за некалькі метраў ад веранды дома знайшлі цела гаспадара.
Хлопчыка даставілі ў бальніцу з траўмамі, але шпіталізацыя яму не спатрэбілася.
Прычына пажару высвятляецца.