У Бярозе цудам уратавалі мужчыну, які апынуўся ў калодзежы і трымаўся за ланцуг
Як паведамляе МНС, у суботу 15 чэрвеня ў 15:30 ратавальнікам паведамілі пра тое, што ў калодзежы з пітной вадой па вуліцы Паўднёвай у горадзе Бяроза знаходзіцца чалавек. Крыкі аб дапамозе пачуў сусед, які і звярнуўся ў службу выратавання. Да месца выкліку аператыўна накіраваліся падраздзяленні МНС.
16.07.2023 / 16:09
На шчасце для мужчыны, які апынуўся ў калодзежы, яго крыкі пачуў сусед. Фота mchs.gov.by
Мужчына, які клікаў на дапамогу, знаходзіўся ў студні на глыбіні 4-х метраў. Упёршыся нагамі ў сценкі калодзежа, ён трымаўся за ланцуг.
Работнікі МНС з дапамогай пояса ратавальніка, прымацаванага да выратавальнай вяроўкі, дасталі пацярпелага на паверхню і перадалі медыкам.
Калодзеж, у якім апынуўся жыхар Бярозы. Фота mchs.gov.by
Уратаванаму 64 гады, яго даставілі ў бальніцу. Як ён апынуўся ў калодзежы, не ўдакладняецца.
Чытайце таксама:
Жанчыну ў Мінскім раёне забіў трымер
За суткі ў лесе згубіліся дзве жанчыны. Адну знайшлі, другую — не
На дачы ў Клічаўскім раёне бацька выратаваў на пажары сына, а сам загінуў