Kamandzir bryhady «Azoŭ» Dzianis «Redys» Prakapienka sustreŭsia z asabovym składam paśla viartańnia z pałonu FOTY
Pra sustreču z padpałkoŭnikam Dzianisam Prakapienkam paviedamlaje «Azoŭ».
16.07.2023 / 20:52
Sustreča azoŭcaŭ z kamandziram bryhady, padpałkoŭnikam Dzianisam «Redysam» Prakapienkam paśla viartańnia z pałonu. Fota: «Azoŭ»
«Znachodziačysia ŭ pałonie ja skazaŭ, što dla mianie hetaja vajna nie skončycca, pakul my nie vierniem z pałonu našaha apošniaha bajca i nie adnovim miežy Ukrainy na stan 1991 hoda.
Ja sałdat. Mianie nie cikaviać nijakija inšyja napramki dziejnaści, akramia vajennaj spravy. Majo serca, maja duša, majo cieła naležać «Azovu», — skazaŭ «Redys» padčas sustrečy z bajcami bryhady.
Dzianis «Redys» Prakapienka. Fota: «Azoŭ»
Jon taksama adznačyŭ, što asnoŭnyja namahańni siońnia pavinny być skiravanyja na bajavuju padrychtoŭku i daŭkamplektavańnie padraździaleńnia asabovym składam, technikaj i ŭzbrajeńniem.
Asabovy skład «Azova», jaki čakaŭ viartańnia kamandzira z pałonu bolš za hod, rady vitać jaho ŭ strai i hatovy da vykanańnia lubych pastaŭlenych zadač.
Fota: «Azoŭ»
Ciapier padpałkoŭnik Dzianis Prakapienka prachodzić reabilitacyju i ŭ najbližejšy čas prystupić da vykanańnia słužbovych abaviazkaŭ.
Fota: «Azoŭ»
Čytajcie taksama:
Rasija druhi raz za sutki ŭdaryła pa Charkavie, jość paciarpiełyja
U Łuhansku prahrymieli vybuchi. Rasijanie zajaŭlajuć pra vykarystańnie kasietnych bojeprypasaŭ
Ukrainskija vojski vyzvalili siało Staramajorskaje Danieckaj vobłaści. Voś što heta značyć