Palitviaźnia Ryhora Kastusiova pazbavili spatkańniaŭ
U niadzielu 16 lipienia Ryhor Kastusioŭ z kałonii patelefanavaŭ žoncy. Palitviazień raskazaŭ, što jaho nie tolki pazbavili spatkańniaŭ, ale i zabrali asabistyja zapisy, u tym liku čarnavik knihi i adrasy dla listavańnia.
16.07.2023 / 21:13
Ryhor Kastusioŭ. Fota: «Naša Niva»
Ryhor Kastusioŭ byŭ zatrymany 12 krasavika 2021 hoda ŭ Škłovie. Razam ź im pa spravie ab «zachopie ŭłady» prachodzili Alaksandar Fiaduta, Volha Hałubovič, Dzianis Kraŭčuk i Jury Ziankovič. Jaho abvinavacili pavodle art. 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady».
5 vieraśnia sudździa Uładzimir Areška pryznaŭ Ryhora vinavatym i prysudziŭ jamu 10 hadoŭ źniavoleńnia ŭ kałonii va ŭmovach uzmocnienaha režymu. 9 śniežnia MUS dadało palitviaźnia ŭ «śpis ekstremistaŭ».
Čytajcie taksama:
Recydyvist pra Akreścina: «Takoha nie bačyŭ za ŭvieś svoj 26-hadovy staž»
Žycharu Lidy pryznačyli 10 sutak aryštu za repost u Telegram u 2020 hodzie