Suprać Uładzisłava Bieładzieda z kafiedralnaha kaścioła raspačali kryminalnuju spravu
Suprać vykładčyka katechizisa ŭ kafiedralnym kaściole Uładzisłava Bieładzieda raspačali kryminalnuju spravu ab raspalvańni varožaści (artykuł 130 KK), paviedamiła «Miediazonie» krynica, znajomaja ź situacyjaj.
18.07.2023 / 18:22
U adnym z praŭładnych kanałaŭ źjaviłasia videa pra Bieładzieda, u jakim karystalnik Uladzislau, pavodle skrynšota, napisaŭ: «Chaču zabivać miantoŭ». U zapisanym siłavikami videa Bieładzied havoryć pra padtrymku supracoŭnikami kafiedralnaha sabora pratestaŭ u Biełarusi.
Raniej Uładzisłava Bieładzieda niekalki razoŭ aryštoŭvali ahułam na 45 sutak pavodle artykuła ab raspaŭsiudzie «ekstremisckich materyjałaŭ» (artykuł 19.11 KaAP). U kancy minułaha tydnia ŭ kafiedralnym sabory prajšoŭ pieratrus.
Uładzisłaŭ Bieładzied — vypusknik Instytuta teałohii BDU, paśla zakančeńnia jakoha pastupiŭ u ryma-katalickuju sieminaryju i prachodziŭ praktyku ŭ minskim archikafiedralnym sabory.
Čytajcie taksama:
HUBAZiK raskazaŭ, u čym vinavaciać katalickaha sieminarysta Uładzisłava Bieładzieda
Ksiandza z Navahrudka aštrafavali za repost publikacyi 2016 hoda
Zvolnili probašča kafiedralnaha kaścioła ŭ Minsku, jaki słužyŭ tam 20 hadoŭ