U Tałačynie buduć sudzić «za abrazu» byłoha staršyniu rajvykankama
19 lipienia ŭ Tałačynie buduć sudzić byłoha kiraŭnika rajvykankama Alaksandra Marejku, vynikaje z raskładu suda Tałačynskaha rajona.
18.07.2023 / 21:35
Alaksandr Marejka. Fota: «Anłajnier»
Sudzić mužčynu buduć pavodle častki 1 artykuła 10.2 KaAP — abraza. Jamu pahražaje štraf da 30 bazavych vieličyń, heta značyć da 1110 rubloŭ. Kaho mienavita nibyta abraziŭ były čynoŭnik, nieviadoma.
Alaksandr Marejka naradziŭsia na Stolinščynie, ale kala 20 hadoŭ adpracavaŭ ahranomam u Kruleŭščynie i Dokšycach u Viciebskaj vobłaści. U 2002 hodzie jon uznačaliŭ Tałačynski rajon i pracavaŭ na pasadzie staršyni rajvykankama da 2011 hoda. Paśla kiravaŭ Viciebskim masłaekstrakcyjnym zavodam.
Na piensii Marejka zachapiŭsia adnaŭleńniem kaplicy-pachavalni XIX stahoddzia ŭ vioscy Ravučča pad Tałačynom i zajmajecca hetym užo bolš za piać hadoŭ za ŭłasnyja srodki.
Čytajcie taksama:
Skončyŭ žyćcio samahubstvam namieśnik staršyni Mastoŭskaha rajvykankama — BELPOL
«Niabačnyja» śviedki spravy Alesia Puškina. Chto danios na mastaka