Kansol Nintendo vyzvaliła dziaŭčynu z pałonu vykradalnika
U ZŠA 28-hadovy mužčyna vykraŭ dziaŭčynu, ź jakoj paznajomiŭsia ŭ internecie dla zdymak u parnahrafii. Adnak dziaŭčynu niečakana vyratavała prystaŭka Nintendo Switch.
19.07.2023 / 09:29
Hulniavaja kansol Nintendo Switch. Fota: pixabay
Dziaŭčynu, imia jakoj palicyja nie raskryvaje, skrali ŭ žniŭni minułaha hoda, adnak jaje historyja stała viadomaja tolki ciapier. Dziaŭčynu šukała siamja, palicyjanty i vałanciory, ale z kožnym dniom šansy mienšali.
Jak raspavioŭ telekanał ABC 15 Arizona, dziaŭčynu skraŭ 28-hadovy mužčyna, jaki paznajomiŭsia ź joj praź internet i płanavaŭ addać jaje ŭ seksualnaje rabstva. Adnak złačynca dapuściŭ pamyłku, jakaja i dapamahła palicyi znajści dziaŭčynu: jon dazvoliŭ joj uziać z saboj hulniavuju kansol Nintendo Switch.
«Praz 11 dzion paśla svajho vykradańnia dziaŭčyna zmahła padklučycca da internetu, kab spampavać novuju hulniu. Pry hetym u Nintendo jość funkcyja, jakaja apaviaščaje siabroŭ-hiejmieraŭ ab tym, što čałaviek anłajn. Mienavita heta i zaŭvažyŭ siabra źnikłaj dziaŭčyny i adrazu ž paviedamiŭ palicyjantam. Tyja źviazalisia z kampanijaj Nintendo i atrymali dostup da hieałakacyi hulniavoj kansoli dziaŭčyny. Na toj momant jana była ŭžo za 3200 km ad rodnaha horada», — paviedamiŭ telekanał ABC 15 Arizona.
Na nastupny dzień dziaŭčynu vyzvalili i viarnuli dadomu, a jaje vykradalnika aryštavali. U krasaviku hetaha hoda jaho asudzili na 30 hadoŭ pazbaŭleńnia voli.
Čytajcie taksama:
Evalucyja hadžetaŭ: jak razumnyja pryłady zachapili śviet ŚPIECPRAJEKT
U Japonii jutubiera aryštavali za spojler da videahulni. Takoje adbyłosia ŭpieršyniu ŭ historyi
Iłan Mask papiaredziŭ Kitaj, što kraina moža być całkam zachoplenaja štučnym intelektam