Na Starakrymskim palihonie adbylisia vybuchi
U noč na 19 lipienia na palihonie ŭ Kiraŭskim rajonie Kryma pačaŭsia pažar. Kiraŭnik akupavanaha paŭvostrava Siarhieja Aksionaŭ zajaviŭ pra evakuacyju dźviuch tysiač čałaviek z najbližejšych rajonaŭ.
19.07.2023 / 07:58
Telehram-kanały publikujuć videa vybuchaŭ na Starakrymskim palihonie.
Aksionaŭ paviedamiŭ taksama ab pierakryćci trasy «Taŭryda» ŭ rajonie pažaru.
Pažar pačaŭsia na składzie bojeprypasaŭ, piša telehram-kanał Mash. Śćviardžajecca, što miascovyja žychary ciaham apošnich dźviuch hadzin čujuć vybuchi ŭ radyusie piaci kiłamietraŭ ad palihona.
Daradca kiraŭnika Kryma Aleh Kručkoŭ zajaviŭ, što stvorany apieratyŭny štab pa likvidacyi nadzvyčajnaha zdareńnia.