U Minsku sudziać byłoha supracoŭnika STB razam z žonkaj
U sudzie Leninskaha rajona Minska siońnia pačnuć sudzić piśmieńnika i fatohrafa Źmitra Bajaroviča i jahonuju žonku Valeryju Bajarovič. Ich vinavaciać pavodle artykuła 342, č. 1 (arhanizacyja i padrychtoŭka dziejańniaŭ, jakija hruba parušajuć hramadski paradak).
19.07.2023 / 09:31
Fota: sacsietki
Spravu budzie razhladać suddzia Julija Inčyna, piša «Viasna».
Palitźniavoleny Źmicier Bajarovič, piśmieńnik i žurnalist, byŭ zatrymany 14 sakavika 2023 hoda razam z žonkaj Valeryjaj kala padjezda ich doma. Suprać abaich zaviali kryminalnuju spravu za ŭdzieł u paślavybarčych akcyjach pratestu 2020 hoda ŭ Minsku.
Napačatku Bajarovičy byli źmieščanyja ŭ turmu №8, zatym pieraviedzienyja ŭ SIZA №1 na Vaładarku.
Źmicier Bajarovič pracavaŭ na dziaržaŭnym telekanale STB, ale ŭ 2020 hodzie zvolniŭsia na znak pratestu suprać hvałtu ŭ dačynieńni da ŭdzielnikaŭ mirnych akcyj.
Raniej, u 2012 hodzie, u vydaviectvie «Halijafy» vyjšła jahonaja debiutnaja kniha «Šali».