U KNDR źbieh amierykanski sałdat. Jon uciakaŭ śmiejučysia, ale jaho adrazu aryštavali
Heta šarahoviec Trevis Kinh. Raniej jon znachodziŭsia ŭ dyscyplinarnaj čaści Kemp Chamfrys u Paŭdniovaj Karei i nakiroŭvaŭsia ŭ ZŠA dla zvalnieńnia z Uzbrojenych sił.
19.07.2023 / 13:02
Pchieńjan. Pomnik Pracoŭnaj partyi KNDR. Pomnik bahaty simvolikaj: sierp, mołat i kalihrafičny pendzal simvalizujuć rabočych, sialan i intelihiencyju. Fota: ak_phuong / GETTY IMAGES
Amierykanski sałdat byŭ zatrymany ŭ Paŭnočnaj Karei paśla taho, jak biez dazvołu pierasiok jaje miažu, piša Bi-bi-si.
Jak paćvierdziŭ pradstaŭnik armii ZŠA, a da taho paviedamlali ananimnyja krynicy amierykanskich miedyja, zatrymany — radavy Trevis Kinh. Sa słoŭ krynic, raniej jon znachodziŭsia ŭ dyscyplinarnaj čaści Kemp Chamfrys u Paŭdniovaj Karei i nakiroŭvaŭsia ŭ ZŠA dla zvalnieńnia z Uzbrojenych sił.
Prajšoŭšy pašpartny kantrol, jon niejkim čynam zdoleŭ viarnucca i dałučyŭsia da ekskursijnaha turu ŭ pamiežnuju z Paŭnočnaj Karejaj demilitaryzavanuju zonu, jakaja ŭ žycharoŭ Paŭdniovaj Karei i turystaŭ užo daŭno stała słavutaściu, niahledziačy na składanyja adnosiny z Paŭnočnaj Karejaj.
Dziaržaŭny departamient i Ministerstva abarony ZŠA zajavili, što padčas ekskursii jon «naŭmysna, pa ŭłasnaj voli» pierasiok miažu. Adnak pakul što nivodnaje viedamstva jašče nie skazała, što jon dezierciravaŭ.
Pa słovach adnaho z udzielnikaŭ hetaj ekskursii, sałdat uciakaŭ u Paŭnočnuju Kareju śmiejučysia.
«Spačatku ja padumaŭ, što heta — prosta błahi žart, ale kali jon nie viarnuŭsia, to ja zrazumieŭ, što ŭsio surjozna», — skazaŭ śviedka ŭ intervju amierykanskaj telekampanii CBS.
Pradstaŭnik Dziarždepartamienta ZŠA Mećju Miler skazaŭ, što jaho viedamstva padtrymlivaje suviaź ź Pientahonam i hatova akazać lubuju dapamohu, kali takaja spatrebicca.
Spačatku imia sałdata ź mierkavańniaŭ pryvatnaści trymałasia ŭ sakrecie, bo Bieły dom chacieŭ paviedamić jaho svajakam. Adnak nieŭzabavie adrazu niekalki ahienctvaŭ navin zajaviła, što hetaha čałavieka zavuć Trevis Kinh, jon radavy druhoha kłasa armii ZŠA.
Na pytańnie žurnalistaŭ, ci źviazvaŭsia Dziaržaŭny departamient z Paŭnočnaj ci Paŭdniovaj Karejaj, Miler skazaŭ, što «ŭpeŭnieny, što my padtrymlivajem suviaź z paŭdniovakarejcami». Jon dadaŭ, što Dziarždepartament z Paŭnočnaj Karejaj nie źviazvaŭsia, ale dadaŭ, što, nakolki jamu viadoma, niejkija kantakty z Pchieńjanam u Pientahona adbylisia.
U 2017 hodzie rozhałas atrymaŭ fakt śmierci studenta Ota Uormbira, jakoha ŭ Pchieńjanie asudzili na 15 hadoŭ za płakat. Baćki skazali, što syna mocna źbivali. Uormbira vyzvalili, i jon źjechaŭ u ZŠA, dzie vielmi chutka pamior.
Čytajcie taksama:
Amierykanski student pamior praz tydzień paśla vyzvaleńnia z turmy ŭ KNDR
U viernutaha z KNDR amierykanskaha studenta dyjahnastavali paražeńnie hałaŭnoha mozhu