U Antarktydzie pačaŭ ruchacca samy bujny ŭ śviecie ajśbierh
Najbujniejšy na płaniecie ajśbierh A23a, jaki «spaŭ» try dziesiacihodździ, pačaŭ aktyŭny drejf u mory Uedeła ŭzdoŭž bierahoŭ Antarktydy, paviedamili ŭ pres-słužbie Arktyčnaha i antarktyčnaha navukova-daśledčaha instytuta.
19.07.2023 / 23:16
Fota: aari.ru
Pres-słužba Arktyčnaha i antarktyčnaha navukova-daśledčaha instytuta zajaviła, što mahčymy vychad ajśbierha A23a ŭ čystyja vody ŭ hetym hodzie zaležyć ad šmatlikich faktaraŭ, uklučajučy ŭździejańnie płyniaŭ, vystupy padvodnaha reljefu i mietearałahičnyja ŭmovy. Kali heta adbudziecca, to ajśbierh pačnie chutka rastavać, uzrovień vady suśvietnaha akijana, adpaviedna, pavialičycca i ŭźniknie pahroza padtapleńniaŭ.
Ajśbierh adździaliŭsia ad lednika ŭ vieraśni 1986 hoda. Doŭhi čas A23a byŭ miescam, dzie raźmiaščałasia savieckaja siezonnaja navukovaja baza «Družnaja-1».
Paviedamlajecca, što płošča ajśbierha składaje amal 4170 kvadratnych kiłamietraŭ. Dla paraŭnańnia: płošča Minska — kala 349 kvadratnych kiłamietraŭ. Takim čynam, ajśbierh bolšy za Minsk amal u 12 razoŭ. Chutkaść jaho pieramiaščeńnia — 150 kiłamietraŭ za miesiac.
Čytajcie taksama:
Ad Antarktydy adkałoŭsia hihancki ajśbierh. Jaho płošča — amal piać Minskaŭ
Mask zapuściŭ Starlink na Antarktydzie. Ciapier jon dastupny na ŭsich kantynientach