Pahladzicie, jakija futbołki vypuścili da II hulniaŭ krain SND. Adzin z vobrazaŭ naviejany malavankami Aleny Kiš
Try tysiačy futbołak z bavoŭny ź simvolikaj budučych II hulniaŭ krain SND pastavić u krainy fabryka «Śvitanak», piša BiełTA.
20.07.2023 / 10:13
Fota: BiełTA
Na pradpryjemstvie raspracavanyja try madeli futbołak.
Na futbołki dla mužčyn i žančyn naniesienaja vaśmikancovaja zorka, što pieratvarajecca ŭ vałošku.
Fota: BiełTA
Na dziciačych futbołkach vytvorcy adlustravali talisman hulniaŭ — biełaruskuju ryś, vobraz, naviejany malavankami mastački Aleny Kiš. Naniesienyja vyjavy mietadam ličbavaha druku na biełym pałatnie.
Fota: BiełTA
Dziciačyja madeli pačynajucca z 30 pamieru, darosłyja ŭ mužčynskim varyjancie dasiahnuli pamieru 60 pry roście 176.
II Hulni krain SND projduć u Biełarusi ad 4 da 14 žniŭnia ŭ 11 haradach, pryjeduć bolš za 6 tysiač udzielnikaŭ. Ułady na fonie vyklučeńnia biełaruskich i rasijskich spartoŭcaŭ ź mižnarodnych spabornictvaŭ abiacajuć «vialikaje spartyŭnaje śviata».