Pientahon: ZŠA nie ŭzmacniajuć vojski ŭ Jeŭropie z pryčyny prybyćcia PVK «Vahnier» u Biełaruś
Namieśnik pres-sakratara viedamstva Sabryna Sinhch prakamientavała pačatak sumiesnaha navučańnia biełaruskich Uzbrojenych sił z atradami pryvatnaj vajennaj kampanii.
21.07.2023 / 07:08
Sumiesnaja treniroŭka vahnieraŭcaŭ i Sił śpiecyjalnych apieracyj na palihonie «Brescki». Fota: Minabarony Biełarusi
Złučanyja Štaty nie zajmajucca naroščvańniem svaich vojskaŭ va Uschodniaj Jeŭropie ŭ suviazi ź pierakidkaj sił rasijskaj pryvatnaj vajskovaj kampanii (PVK)» Vahnier « u Biełaruś. Pra heta paviedamiła ŭ čaćvier na rehularnym bryfinhu dla žurnalistaŭ namieśnica pres-sakratara Pientahona Sabryna Sinhch, piša TASS.
«Niama nijakaj infarmacyi pra pieramiaščeńnie vojskaŭ abo źmienu dyspazicyi našych vojskaŭ na ŭschodnim fłanhu [NATO]», — zajaviła aficyjnaja pradstaŭnica Ministerstva abarony ZŠA, kamientujučy pačatak supolnaha navučańnia Uzbrojenych sił Biełarusi z atradami PVK «Vahnier».
Jak abviaściła raniej pres-słužba Minabarony Biełarusi, siły śpiecyjalnych apieracyj sumiesna z bajcami PVK «Vahnier» adpracujuć niekalki vučebna-bajavych zadač na palihonie «Brescki».
Raniej u Minabarony Biełarusi paviedamlali, što bajcy «Vahniera» ŭdzielničajuć u padrychtoŭcy vajskoŭcaŭ terytaryjalnych vojskaŭ Biełarusi ŭ rajonie Asipovičaŭ. Minsk nie ŭdakładniaje kolkasny skład bajcoŭ PVK «Vahnier», jakija prybyli ŭ Biełaruś.
Tym časam u Biełaruś užo prybyli vosiem kałonaŭ PVK, a Jaŭhien Pryhožyn navat zapisaŭ ź Biełarusi videa.
U samim PVK «Vahnier» zaznačajuć, što ŭ Biełaruś moža prybyć da dziesiaci tysiač bajcoŭ.
Čytajcie taksama:
Pryhožyn u svajoj pieršaj pramovie ŭ Biełarusi zaklikaŭ «nie kryŭdzić biełaruskich dziaŭčat»
U Biełaruś prybyli jašče dźvie kałony vahnieraŭcaŭ — «Biełaruski Hajun»
Što viadoma pra «Pijaniera», jaki budzie kiravać PVK «Vahnier» u Biełarusi