Беларускі альпініст сарваўся з гары ў Таджыкістане
Няшчасце здарылася 19 ліпеня ў горных хрыбтах у Ляхшскім раёне. Каб знайсці мінчука, ратавальнікі прайшлі шэсць кіламетраў, але пакуль транспартаваць яго не могуць.
21.07.2023 / 08:50
Фота: kchs.tj
38-гадовы мінчук Д. Ляховіч падчас заваявання гор упаў з вышыні, у выніку чаго, атрымаў цялесныя пашкоджанні (зламаных рэбраў), паведамляе Камітэт па надзвычайных сітуацыях Таджыкістана.
Была неадкладна створана група з ліку ратавальнікаў КНС для правядзення пошукава-выратавальных работ.
Яны вылецелі верталётам Міністэрства абароны на паляну «Масквіна» ў Ляхшскім раёне. З-за недахопу месца для пасадкі верталёта ратавальнікі з паляны «Масквіна» спусціліся пешшу каля 6 кіламетраў і знайшлі альпініста.
Прыбыўшы на месца, ратавальнікі аказалі яму першую далекарскую дапамогу. З-за цемры і цяжкадаступнасці гэтага месца работы па транспарціроўцы альпініста перанесены на сёння.
Чытайце таксама:
Турыстка з Беларусі загінула, сарваўшыся з абрыву ў Кабардзіна-Балкарыі