Biełaruski alpinist sarvaŭsia z hary ŭ Tadžykistanie
21.07.2023 / 8:50
Niaščaście zdaryłasia 19 lipienia ŭ hornych chrybtach u Lachšskim rajonie. Kab znajści minčuka, ratavalniki prajšli šeść kiłamietraŭ, ale pakul transpartavać jaho nie mohuć.
Fota: kchs.tj
38-hadovy minčuk D. Hrakovič padčas zavajavańnia hor upaŭ z vyšyni, u vyniku čaho atrymaŭ cialesnyja paškodžańni (złamanyja rebry), paviedamlaje Kamitet pa nadzvyčajnych situacyjach Tadžykistana.
Była nieadkładna stvorana hrupa ź liku ratavalnikaŭ KNS dla praviadzieńnia pošukava-vyratavalnych rabot.
Jany vylecieli viertalotam Ministerstva abarony na palanu «Maskvina» ŭ Lachšskim rajonie. Praź niedachop miesca dla pasadki viertalota ratavalniki z palany «Maskvina» spuścilisia pieššu kala 6 kiłamietraŭ i znajšli alpinista.
Prybyŭšy na miesca, ratavalniki akazali jamu pieršuju dadoktarskuju dapamohu. Praź ciemru i ciažkadastupnaść hetaha miesca raboty pa transparciroŭcy alpinista pieraniesieny na siońnia.
Čytajcie taksama:
Turystka ź Biełarusi zahinuła, sarvaŭšysia z abryvu ŭ Kabardzina-Bałkaryi