Knihi na biełaruskaj movie ciapier u prodažy ŭ Ńju-Jorku
Biełaruskaja internet-kniharnia ŭ ZŠA «Litarka» rada paviedamić ab mahčymaści nabyć knihi na biełaruskaj movie ŭ kniharni Hudson Valley Books for Humanity, raźmieščanaj pa adrasie 67 Central Ave, Ossining NY.
21.07.2023 / 09:47
U dadatak da mahčymaści zamović knihi praź internet-kramu www.litarka.com biełaruskija knihi možna niaśpiešna pahartać, siedziačy va ŭtulnym fateli ŭ kniharni Hudson Valley Books for Humanity. Kniharnia znachodzicca ŭ histaryčnym centry haradka Asininh, u jakim štohod ładzicca biełaruskaje śviata hukańnia viasny. Haradok znachodzicca na bierazie Hudzona na šlachu da papularnaha prahułačnaha maršruta Breakneck Ridge i Kratonskaj Damby. Da jaho viadzie ad vakzału Grand Central samaja malaŭničaja vietka elektryčki Metro North — Hudson Line.
Hetaja kniharnia źjaŭlajecca adzinym punktam, dzie možna pahladzieć i nabyć papiarovyja biełaruskija knihi ŭ Ńju-Jorkskaj ahłamieracyi. Ciapier u kniharni možna nabyć tvory Andrusia Horvata, Uładzimira Arłova i Andreja Skurko.
Hudson Valley Books for Humanity razam ź internet-kniharniaj Litarka zaprašajuć usich naviedać kniharniu i zanurycca ŭ pryhažość biełaruskaj movy.