Zialenski zvolniŭ pasła Ukrainy ŭ Vialikabrytanii. Pasoł niadaŭna nazvaŭ jaho słovy «niezdarovym sarkazmam»
Prezident Ukrainy Uładzimir Zialenski zvolniŭ Vadzima Prystajku z pasady pasła Ukrainy ŭ Vialikabrytanii. Adpaviedny ŭkaz №442/2023 byŭ apublikavany siońnia. Zvalnieńnie adbyłosia paśla taho, jak pasoł raskrytykavaŭ Zialenskaha.
21.07.2023 / 11:29
Fota: UNIAN
Pačałosia z taho, što brytanski ministr abarony Ben Uoles 12 lipienia zaŭvažyŭ, što krainy Zachadu chacieli b pačuć ad Ukrainy słovy padziaki za pastaŭki vajennaj techniki zamiest krytyki rašeńniaŭ ab admovie pryniać krainu ŭ skład NATA pavodle paskoranaj pracedury. Paśla hetaha Zialenski na pres-kanfierencyi zajaviŭ, što nie viedaje, jak jašče možna dziakavać, i prapanavaŭ Uolesu napisać, jak heta treba rabić. Ukraincy mohuć kožnuju ranicu pračynacca i dziakavać ministru, skazaŭ jon. Prystajka ŭ intervju brytanskamu telekanału Sky News nazvaŭ hetaje vykazvańnie ŭkrainskaha prezidenta niezdarovym sarkazmam. Jon dadaŭ, što Ukraina i Vialikabrytanija nie pavinny pakazvać, što pamiž imi jość roznahałośsi.
Prystajka byŭ pasłom u Vialikabrytanii z 20 lipienia 2020 hoda.