Pucin zajaviŭ, što Polšča choča adarvać častku Biełarusi
Kiraŭnik Rasii siońnia zrabiŭ niekalki zajaŭ. Niekatoryja ź ich tyčylisia i Biełarusi.
21.07.2023 / 13:40
Uładzimir Pucin i jaho pamočnik Michaił Areškin. Fota: Ramil Sitdikov, Sputnik, Kremlin Pool Photo via AP
Pucin zajaviŭ, što zachodnija terytoryi ciapierašniaj Polščy — heta padarunak Stalina palakam. «Našy siabry ŭ Varšavie krychu zabylisia pra heta, my nahadajem», — skazaŭ jon.
Raźviazvańnie vajny Polščaj suprać Biełarusi aznačaje i vajnu suprać Rasii, dadaŭ kiraŭnik Rasii.
«Polšča choča pad nataŭskim parasonam adarvać častku zachodniaj terytoryi Ukrainy i Biełarusi, heta niebiaśpiečnaja hulnia», — schłusiŭ Pucin.
Jon tradycyjna pajšoŭ u histaryčny ekskurs, zajaviŭšy, što Polšča ŭ 1920 hodzie zachapiła častku Litvy, «adarvała ŭ Rasii jaje histaryčnyja ziemli, skarystaŭšysia hramadzianskaj vajnoj, udzielničała ŭ raździele Čechasłavakii ŭ 1938 h».
«Kali polskija častki ŭvojduć u Lvoŭ abo inšyja terytoryi Ukrainy — jany tam i zastanucca. Pryčym nazaŭždy», — pahroźliva zajaviŭ jon.