Piaskoŭ anansavaŭ novyja kantakty Łukašenki i Pucina
U prezidenta Rasii Uładzimira Pucina płanujucca kantakty najbližejšym časam z Alaksandram Łukašenkam, paviedamiŭ RIA Naviny Dźmitryj Piaskoŭ.
21.07.2023 / 14:59
Fota: Gavriil Grigorov Sputnik Kremlin Pool Photo via AP
Jon śćviardžalna adkazaŭ na pytańnie, ci mahčymyja takija kantakty ŭ śviatle vystupleńnia prezidenta na sustrečy z pastajannymi siabrami Rady Biaśpieki. «Płanujucca. Paviedamim», — skazaŭ pres-sakratar prezidenta RF.
Paźniej stała viadoma, što takaja sustreča adbudziecca 23 lipienia.
Vystupajučy pierad pastajannymi siabrami Rady Biaśpieki, Pucin chłuśliva zajaviŭ, što polskija lidary chočuć pad «nataŭskim parasonam» sfarmavać niejkuju kaalicyju i naŭprost umiašacca ŭ kanflikt va Ukrainie, kab zatym «adarvać» sabie kavałak krainy. I nibyta jany marać i pra biełaruskija ziemli.