Лукашэнка зноў паедзе да Пуціна ў нядзелю
Аляксандр Лукашэнка сустрэнецца з Уладзімірам Пуціным у Расіі 23 ліпеня, паведаміла ягоная прэс-служба.
21.07.2023 / 15:49
Фота: Contributor / Getty Images
«Парадак дня перамоў вызначаны, пытанняў трэба будзе абмеркаваць шмат… Гэта шырокае кола найбольш важных і базавых для двухбаковых адносін тэм: пытанні бяспекі, міжнароднага парадку дня, эканамічнае ўзаемадзеянне, рэалізацыя саюзных праграм, сумеснае супрацьстаянне незаконнаму санкцыйнаму ціску і многае іншае», — паведамляе тэлеграм-канал «Пул Першага».
Прэс-служба Крамля паведамляе, што бакі абмяркуюць расійска-беларускія адносіны стратэгічнага партнёрства.
«Будзе працягнута абмеркаванне актуальных пытанняў далейшага развіцця расійска-беларускіх адносін стратэгічнага партнёрства і саюзніцтва, а таксама інтэграцыйнага ўзаемадзеяння ў рамках Саюзнай дзяржавы», — гаворыцца ў заяве.
Раней Лукашэнка казаў, што плануе перамовы з Пуціным у сувязі з ПВК «Вагнер». Прэс-сакратар расійскага прэзідэнта Дзмітрый Пяскоў сёння крыху раней анансаваў гэту сустрэчу.