Miesi zhulaŭ pieršy matč za novy kłub. I adrazu zabiŭ hoł
Lijanel Miesi siońnia nočču debiutavaŭ za «Inter» Majami ŭ matčy suprać mieksikanskaha «Krus Asula». Heta była hulnia ŭ ramkach Leagues Cup — turniru, u jakim biaruć udzieł kamandy ZŠA i Mieksiki.
22.07.2023 / 07:40
Arhiencinski forvard vyjšaŭ na pole na 57-j chvilinie i na apošniaj chvilinie sustrečy zabiŭ pryhožy hoł sa štrafnoha. «Inter» Majami pieramoh 2:1.
36-hadovy Lijanel Miesi pierajšoŭ u fłarydski kłub u červieni paśla dvuch hadoŭ u «Pary Sen-Žermen», kudy jon pierajšoŭ paśla 18-ci siezonaŭ u «Barsiełonie».
Jon siamirazovy ŭładalnik «Załatoha miača» — pryza, jaki atrymlivaje najlepšy futbalist hoda. Heta rekordny pakazčyk.
Miesi pryvioŭ zbornuju Arhienciny da pieramohi ŭ Kubku Amieryki ŭ 2021 hodzie i da załatych miedaloŭ na čempijanacie śvietu ŭ 2022 hodzie.
Čytajcie taksama:
Hałkipiera zbornaj Italii źbili i abrabavali va ŭłasnym domie
Hoł biełaruskaha lehijaniera vyvieŭ vilenski «Žalhirys» u nastupny raŭnd Lihi čempijonaŭ