Ва Украіне паранілі аператара Deutsche Welle
У горадзе Дружкоўка Краматорскага раёна Данецкай вобласці паранены аператар Deutsche Welle Яўген Шылко. Гэта адбылося, як паведамляецца, у выніку расійскага абстрэлу касетнымі боепрыпасамі трэніровачнай пляцоўкі ўкраінскіх вайскоўцаў.
22.07.2023 / 22:34
«Атака адбылася за 23 кіламетры ад лініі фронту, у 12:10 паводле мясцовага часу, калі здымачная група DW вяла рэпартаж аб падрыхтоўцы ўкраінскіх вайскоўцаў. Пры абстрэле адзін вайсковец УСУ загінуў, яшчэ некалькі атрымалі сур'ёзныя раненні», — паведамляе Deutsche Welle.
Цяпер Яўген Шылко знаходзіцца ва ўкраінскай бальніцы, ягоны стан ацэньваецца як стабільны. Машына, на якой прыехалі журналісты, таксама атрымала пашкоджанні.
Чытайце таксама:
Украінцы падбілі машыну з Барадаем
Ва Украіне загінуў расійскі прапагандыст Жураўлёў
У Бранскай вобласці загінула двое вайскоўцаў, якія ставілі міну