Расіяне зноў бамбілі Адэсу. Разбураны праваслаўны сабор
Акрамя храма, пашкоджаныя Дом вучоных і жылыя дамы.
23.07.2023 / 09:20
Ратавальнікі ў разбураным Спаскім саборы Адэсы. 23 ліпеня 2023 года. Фота AP Photo / Libkos
Украінская служба па надзвычайных сітуацыях паведаміла пра тое, што ў выніку пятай за тыдзень ракетнай атакі на Адэсу моцна пашкоджаны найвялікшы праваслаўны храм у горадзе — Спаса-Праабражэнскі сабор, размешчаны ў цэнтры горада.
Аўтары відэа эмацыйна кажуць, што храма «больш няма».
Арыгінальная царква была знішчаная ў 1936 годзе камуністамі, пасля адноўленая ў нулявыя.
Як паведамляе «Суспільне», як мінімум, адзін чалавек загінуў, 22 былі параненыя.
Адэса, порт на Чорным моры, была адной з галоўных мэтаў расійскай агрэсіі, аднак у 2022 годзе расіяне не здолелі яе захапіць. Інтэнсіўнасць цяперашніх удараў можна тлумачыць вычарпаннем боепрыпасаў ва ўкраінскай супрацьпаветранай абароны.