Віхор, іскры лятуць: сабралі відэа ўчорашняй трагедыі на Мінскім моры
Увечары на Цэнтр паруснага спорту каля вёскі Зарэчча-1, што на Мінскім моры, наляцеў моцны віхор. У выніку яго былі ахвяра ды пацярпелыя.
23.07.2023 / 15:35
Online.by сабраў драматычныя відэа тых хвілін.
МНС Беларусі паведаміла, што ў выніку стыхійнага бедства адзін чалавек загінуў, двое пацярпелі. Гэта адбылося ў выніку падзення дрэваў.
Ратавальнікі дасталі з-пад дрэва загінулую дзяўчыну, цяпер яны працягваюць работы па абследаванні тэрыторыі і прыборцы паваленых дрэў.