Mužčynu, jaki viarnuŭsia z Polščy, buduć sudzić pa čatyroch kryminalnych artykułach
Žychara Skidziela Michaiła Miakieku, jakoha zatrymali ŭ śniežni minułaha hoda paśla viartańnia z Polščy, buduć sudzić pa čatyroch artykułach Kryminalnaha kodeksa. Takaja infarmacyja źjaviłasia ŭ raskładzie sudovych pasiadžeńniaŭ, zaŭvažyła «Miediazona».
23.07.2023 / 19:37
Mužčynu abvinavačvajuć u raspalvańni varožaści (častka 1 i častka 3 artykuła 130 KK), hrubym parušeńni hramadskaha paradku (častka 1 artykuła 342 KK), hvałcie ŭ dačynieńni da słužbovaj asoby (častka 2 artykuła 366 KK), paklopie ŭ dačynieńni da Łukašenki (častka 2 artykuła 367 KK). Spravu pačnie razhladać 24 lipienia sudździa Siańko ŭ Hrodzienskim abłasnym sudzie.
Michaił Miakieka. Fota: sacsietki
Pravaabaroncy raniej pisali, što mužčyna žyŭ u Polščy paŭtara hoda i ŭ śniežni minułaha hoda viarnuŭsia ŭ Biełaruś. Pavodle viersii siłavikoŭ, u Polščy jon zarehistravaŭsia ŭ płanie «Pieramoha» i niby pisaŭ paviedamleńni z pahrozami siłavikam.
U červieni Michaiła Miakieku KDB dadaŭ u «terarystyčny śpis» razam z aktyvistam Paŭłam Biełavusam i žurnalistam Dźmitryjem Siemčankam.