Mer Adesy — rasiejcam: Vy — prosta istoty biez rodu i plemieni, marali i kaštoŭnaściaŭ
Hienadź Truchanaŭ zapisaŭ viečaram videazvarot. U im jon raskazaŭ pra nastupstvy načnoha ŭdaru rasiejcaŭ pa horadzie, a zatym pierajšoŭ na ruskuju.
24.07.2023 / 07:51
Fota: Dumskaya.net
«Niekalki słoŭ na ruskaj, śpiecyjalna dla rasiejcaŭ.
Kab vy viedali, jak vas nienavidzić Adesa. Nie tolki nienavidzić, ale i pahardžaje. Vy zmahajeciesia z maleńkimi dziećmi, z pravasłaŭnymi chramami. Dy što kazać — vašy rakiety laciać navat u mohiłki. Za hetuju vajnu vas nazyvali pa-roznamu: rašysty, orki, mrazi, hnidy. Ale heta jašče łaskava.
Vy prosta istoty biez rodu i plemieni, marali i kaštoŭnaściaŭ. I biez budučyni. Vy vielmi drenna viedajecie nas, adesitaŭ. Vy nas nie złomicie, a tolki razzłavali jašče bolš. Siła našych abaroncaŭ, pamnožanaja na bol i złość zvyčajnych ludziej, stanie dla vas prysudam. Słava Ukrainie!» — skazaŭ Hienadź Truchanaŭ.
U noč na 23 lipienia rasiejcy nanieśli maštabny ŭdar pa histaryčnym centry Adesy. Pa horadzie zapuścili 19 rakiet. U centry horada byli paškodžanyja 50 damoŭ, u tym liku try dziasiatki pomnikaŭ architektury, a taksama razburany Spasa-Praabraženski kafiedralny sabor — najbujniejšy pravasłaŭny chram horada. Adzin čałaviek zahinuŭ, 20 traŭmavanyja, siarod ich čaćviora dziaciej — 11, 12 hadoŭ i dvoje 17-hadovych.