Kvateru Cichanoŭskich pradali z treciaj sproby
Na aŭkcyjonie «BiełJurZabieśpiačeńnie» 26 lipienia narešcie-taki pradali trochpakajovuju minskuju kvateru Siarhieja i Śviatłany Cichanoŭskich u Minsku. Da tarhoŭ dapuścili dvaich udzielnikaŭ, jakija niekalki razoŭ pierabivali staŭki adzin adnaho. U vyniku kvatera pajšła daražej za pieršapačatkovuju canu, piša «Lusterka».
26.07.2023 / 22:59
Fota: e-auction.by
Padčas tarhoŭ udzielniki niekalki razoŭ pierabivali staŭki adzin adnoho, a aŭkcyjon uvieś čas praciahvali. Jon doŭžyŭsia 13 hadzin, a ŭ vyniku košt kvatery pieravysiŭ 203 tysiačy rubloŭ.
Pra toje, što trochpakajovuju kvateru Cichanoŭskich na praśpiekcie Niezaležnaści 137/2 u Minsku treci raz vystavili na prodaž praz aŭkcyjon, stała viadoma ŭ pačatku lipienia. Hetym razam jaje canu źnizili: kali raniej pačatkovaja cana kvatery na tarhach była 214,9 tysiačy biełaruskich rubloŭ, to ciapier — 171,9 tysiačy.
Jak paviedamlali na sajcie aŭkcyjonaŭ, u kvatery, vystaŭlenaj na prodaž, zarehistravany žychary, u tym liku niepaŭnaletnija dzieci. Płošča kvatery — 66 m², pradavałasia jana razam z ubudavanaj kuchniaj i šafaj-kupe.
Čytajcie taksama:
Dačka Cichanoŭskich źbiraje hrošy na tank, kab «vyzvalić tatu»