З 1 жніўня вырасце бюджэт пражатачнага мінімуму
З 1 жніўня па 31 кастрычніка будзе ўстаноўлены новы бюджэт пражытачнага мінімуму (БПМ). Ён у сярэднім складзе 364,4 рубля, паведамляе Мінпрацы.
27.07.2023 / 12:41
Фота: «Наша Ніва»
Па асноўных сацыяльна-дэмаграфічных групах устаноўлены наступныя памеры БПМ:
- працаздольнае насельніцтва — 403,94 рубля;
- пенсіянеры — 271,09 рубля;
- дзеці ва ўзросце да 3 гадоў — 232,41 рубля;
- дзеці ва ўзросце ад 3 да 6 гадоў — 319,5 рубля;
- дзеці ва ўзросце ад 6 да 18 гадоў — 388,35 рубля.
Аўтаматычна вырастуць і ўбудаваныя ў сістэму сацыяльнай абароны розныя надбаўкі і павышэнні, а таксама асобныя сацыяльныя выплаты, якія залежаць ад памеру БПМ. Гэта тычыцца сацыяльных пенсій, даплат пенсіянерам па ўзросце і іншых выплат.