Žančyna napisała jaŭku z pavinnaj, ale jaje ŭsio roŭna asudzili za marš 2020 hoda
U sudzie Centralnaha rajona Minska asudzili Alenu Miłajevu pavodle č. 1 art. 342 KK (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich).
28.07.2023 / 10:31
Milicejski kardon. Marš 25 kastryčnika 2020 hoda. Fota: «Naša Niva»
Sudździa Dźmitryj Karsiuk pryznačyŭ joj adzin hod i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Alena napisała jaŭku z pavinnaj — jak śćviardžajecca ŭ sudovaj pastanovie, jaŭka była napisana dobraachvotna. Žančynu abvinavacili ŭ tym, što jana 25 kastryčnika 2020 hoda ŭ Minsku ŭdzielničała ŭ pratesnaj akcyi i vychodziła na prajeznuju častku. Jaje apaznali pa fotazdymkach z akcyi pratestu, znojdzienych u internecie.