Biełaruskija kantrabandysty schavali cyharety pad vuhal
Ciaham dvuch dzion łatvijskija mytniki i pamiežniki vyjavili ŭ hruzavych ciahnikach, jakija zajechali ź Biełarusi, chovanki z kantrabandnymi cyharetami. Ahułam udałosia kanfiskavać 211 600 kantrabandnych cyharet ź biełaruskimi akcyznymi markami, piša Delfi.lv.
28.07.2023 / 14:48
Fota: VID muitas pārvalde
Pieršy epizod zafiksavany 25 lipienia na mytnym pastu «Indra», dzie padčas pravierki vahonaŭ hruzavoha ciahnika, jaki prybyŭ z terytoryi Biełarusi, słužbovy sabaka svaimi pavodzinami pakazaŭ kinołahu, što siarod čyhunnych narychtovak moža znachodzicca kantrabanda. Pry detalovym dahladzie vahonaŭ mytnia i supracoŭniki Dziaržaŭnaj pamiežnaj słužby vyjavili 103 600 cyharet Queen Superslim i»NZ Gold».
26 lipienia na stancyi «Indra» pry nadhladzie jašče adnaho ciahnika ź Biełarusi ŭ dvuch vahonach pad vuhalem mytniki znajšli schovanki z cyharetami. Tam vyjavili 108 000 cyharet «NZ Gold» i Queen ź biełaruskimi akcyznymi markami.