Staŭ viadomy prysud dziciačamu piśmieńniku i nastaŭniku Dźmitryju Jurtajevu
Staŭ viadomy prysud, jaki Minharsud vynies palitźniavolenamu paetu Dźmitryju Jurtajevu. Sud nad im praciahvaŭsia ad 14 da 29 krasavika. Spravu razhladała sudździa Anžeła Kaściukievič.
28.07.2023 / 16:00
Jurtajeva abvinavacili ŭ abrazie Alaksandra Łukašenki (č. 1 art. 368 KK) i raspalvańni inšaj sacyjalnaj varožaści albo varažniečy (č. 1 art. 130 KK), piša «Viasna».
Palitźniavoleny Dźmitryj Jurtajeŭ byŭ zatrymany 21 vieraśnia 2022 hoda supracoŭnikami HUBAZiK. Vykładčyka prymusili na kamieru čytać ułasnyja vieršy i apraŭdvacca: nibyta jon u žniŭni 2020 hoda chadziŭ na akcyi, pisaŭ dopisy ŭ fejsbuku i «UKantakcie». Taksama ŭ praŭładnych kanałach zjavilisia skrynšoty ź jaho sacyjalnych sietak z krytykaj dziejańniaŭ uładaŭ.
29 krasavika Dźmitryju vynieśli prysud — dva hady pazbaŭleńnia voli ŭ kałonii va ŭmovach ahulnaha režymu. Mienavita taki termin i zapytvaŭ prakuror.
Jurtajeŭ padavaŭ apielacyju, jakuju Viarchoŭny sud razhledzieŭ 11 lipienia 2023 h. Sudździa Taćciana Vasilevič pakinuła skarhu biez zadavalnieńnia. A 28 lipienia asudžanaha paeta ŭnieśli ŭ pieralik «asob, jakija majuć dačynieńnie da ekstremisckaj dziejnaści».