Ukrainskaja raźviedka dała spravazdaču ab padryvie čarhovaha składa bojeprypasaŭ u Krymie
U Kazačaj Buchcie ŭ akupavanym Krymie pozna ŭviečary 28 lipienia ŭzarvaŭsia skład bojeprypasaŭ akupantaŭ, paviedamiła Hałoŭnaje ŭpraŭleńnie raźviedki Minabarony Ukrainy.
29.07.2023 / 11:52
Vybuch adbyŭsia kala 22 hadziny 28 lipienia. Pavodle danych HUR, śviedki čuli dva vybuchi i huki detanacyi bojeprypasaŭ. Na miesca zdareńnia pryjechali niekalki mašyn chutkaj dapamohi i palicyi.
Raźviedka adznačaje, što ŭ rajonie Kazačaj buchty ciapier dysłakujecca 810-ja asobnaja bryhada marskoj piachoty Rasii.
Dakładna viadoma, što vybuchi i detanacyja ŭ vyniku praviedzienaj dyviersii adbylisia na «časovym składzie» bojekamplekta rasijanaŭ.