Увечары ўдарылі па Запарожжы — ёсць ахвяры
У суботу ўвечары ў выніку ракетнага ўдару па Запарожжы загінулі мужчына і жанчына, яшчэ адна жанчына параненая.
29.07.2023 / 20:10
Фота: тэлеграм-канал Анатоля Курцева
Пра гукі выбуху ў Запарожжы напісала выданне «Суспільне».
Сакратар Запарожскай гарадской рады Анатоль Курцеў паведаміў, што ракета трапіла па адкрытай мясцовасці.
«Выбухной хваляй выбітыя вокны ў шматпавярхоўках і пашкоджаныя будынкі адукацыйнай установы і супермаркета.
На месцах разгортваецца палатка гарадской рады, пачынаюць працаваць псіхолагі, дабрачынцы і адпаведныя службы», — напісаў ён у тэлеграме.
Ён жа паведаміў і пра людскія ахвяры.