Pad ranicu drony atakavali 50-paviarchovyja viežy «Maskva-Sici». Heta ŭradavy kompleks, dzie raźmieščany niekalki ministerstvaŭ i viedamstvaŭ
U noč na 30 lipienia Maskvu atakavali bieśpiłotniki, paviedamiŭ mer rasijskaj stalicy Siarhiej Sabianin. Paškodžanyja fasady dźviuch ofisnych viežaŭ, achviar niama. Jašče dva drony byli źbityja sistemaj SPA ŭ Padmaskoŭi.
30.07.2023 / 06:52
Mer Maskvy Siarhiej Sabianin paviedamiŭ, što ŭ vyniku zdareńnia apynulisia niaznačna paškodžanyja fasady dźviuch viežaŭ «Maskva-Sici». U 50-paviarchovym budynku «IQ-kvartał» byli paškodžany šyby na piatym i šostym pavierchach. Z budynkaŭ kompleksu «Maskva-Sici» evakujavali ludziej, paviedamlaje TASS.
U viežy «Voka-2» byli vybityja šyby ź pieršaha pa čaćviorty pavierchi.
U suviazi z nadzvyčajnym zdareńniem na vylety i pryloty zakryvaŭsia maskoŭski aeraport «Unukava». U pavietranaj zonie Maskvy i Padmaskoŭja zabaraniali paloty.
U vyniku ataki bieśpiłotnikaŭ paciarpieŭ adzin čałaviek. Zahinułych niama.
U skład IQ-kvartała ŭvachodzić ŭradavy kompleks, dzie raźmieščany niekalki ministerstvaŭ i viedamstvaŭ, u ich liku — Minekanamraźvićcia, Minpramhandal, Minličby, Fiederalnaje ahienctva pa spravach nacyjanalnaściaŭ, Rasakredytacyja i Rasstandart. Telehram-kanał «Aściarožna, Maskva» paviedamiŭ, što vybuchovaj chvalaj z ofisa vyniesła dakumientacyju Minličby.
Pavodle źviestak Minabarony Rasii, u napadzie brali ŭdzieł try bieśpiłotniki: adzin ź ich źniščany ŭ pavietry nad Adzincoŭskim rajonam Maskoŭskaj vobłaści, dva inšyja — źbityja srodkami radyjoelektronnaj baraćby, jany ŭpali na terytoryi «Maskva-Sici».
Raniejšyja ataki dronaŭ u hetym miesiacy na Maskvu byli 4, 24, 28 lipienia.