CNN pakazaŭ marskija drony Ukrainy. Takimi nibyta padarvali Krymski most
Telekanał CNN vypuściŭ siužet pra sakretnuju bazu Vajskova-marskich sił Ukrainy, dzie pravodziać vyprabavańni ŭdarnych marskich bieśpiłotnikaŭ. Raniej ukrainskija nadvodnyja drony publicy nie demanstravali.
30.07.2023 / 17:32
Skrynšot ź videa
Marski robat, jak adznačaje telekanał, pa svajoj formie nahadvaje šyrokaje kanoe, jaho daŭžynia — kala piaci mietraŭ. Apošnija viersii bieśpiłotnikaŭ, jakija vyvučyli žurnalisty, važać da tony, niasuć da 300 kiłahramaŭ vybuchoŭki, majuć zapas chodu da 800 kiłamietraŭ z maksimalnaj chutkaściu da 80 kiłamietraŭ za hadzinu, śćviardžajecca ŭ siužecie.
Raboty nad marskimi bieśpiłotnikami pačalisia paśla poŭnamaštabnaha rasijskaha ŭvarvańnia va Ukrainu, jak raspavioŭ telekanału raspracoŭščyk dronaŭ, jaki pažadaŭ zastacca nienazvanym.
Pavodle źviestak krynic CNN va ŭkrainskich słužbach biaśpieki, marskija bieśpiłotniki VMS užo jak minimum dvojčy vykarystoŭvalisia pry napadach na anieksavany Krym — u tym liku pry ŭdary pa Krymskim moście ŭ lipieni hetaha hoda.
Čytajcie taksama:
Rasijskija ŭłady zajavili pra ataku 16-ci bieśpiłotnikaŭ na Krym
USU ŭdaryli pa Čanharskim moście na miažy z Krymam
Ukrainskaja raźviedka dała spravazdaču ab padryvie čarhovaha składa bojeprypasaŭ u Krymie