Paźniak: Stvareńnie Rady biaśpieki adkładziena z-za ŭnutranych pryčyn
Siońnia ŭ Biełastoku lidar ruchu «Volnaja Biełaruś» Zianon Paźniak sustreŭsia ź miascovaj biełaruskaj dyjasparaj. Padčas sustrečy jon prajaśniŭ los sumiesnaj z pałkom Kalinoŭskaha Rady biaśpieki, pra damoŭlenaść adnosna stvareńnia jakoj havaryłasia ŭ pačatku hoda.
30.07.2023 / 20:04
«Šmat było pracy, padrychtavany ŭsie dakumienty, ale pakul što jano adkładziena z-za ŭnutranych pryčyn. Bolš ja nie mahu skazać», — cytuje Paźniaka «Pozirk».
Pra toje, što pamiž pałkom i «inšymi nacyjanalna-demakratyčnymi arhanizacyjami» viaducca «kansultacyi ab stvareńni vajskova-palityčnaj struktury — Rady biaśpieki — z metaj abarony nacyjanalnych intaresaŭ Biełarusi va ŭmovach vajny va Ukrainie i akupacyi Biełarusi RF», Zianon Paźniak zajaviŭ na pres-kanfierencyi ŭ Varšavie 7 lutaha.
Pierad hetym u kancy studzienia palityk razam ź inšymi pradstaŭnikami svajho ruchu Paŭłam Usavym i Dźmitryjem Ščyhielskim naviedaŭ va Ukrainie pazicyi biełaruskaha pałka Kalinoŭskaha.
Pierad sustrečaj z dyjasparaj Zianon Paźniak daŭ intervju radyjo «Racyja», u jakim raskazaŭ, jak jahony ruch ciapier pracuje ŭ Biełarusi:
«Tam zadačy pastaŭleny takim čynam, kab śviadomyja biełarusy stvarali supołki pa 2—3 čałavieki, kab jany pamiž saboj abmiarkoŭvali pytańni, dakumienty, źbirali miascovuju infarmacyju ab zdradnikach, kałabarantach, usio heta pavinna być. Ale nie stvarać arhanizacyj vialikich, bo abaviazkova buduć špijony. I jany raspaŭsiudžvajucca pa haryzantalnaj linii. Heta značyć, kali dva čałavieki, to adzin ź ich znajomicca z trecim čałaviekam, a pieršy nie viedaje. I takim čynam adbyvajecca takoje haryzantalnaje raspaŭsiudžvańnie».
Čytajcie taksama:
Jak by vyhladali biełaruskija palityki i prapahandysty ŭ suśviecie «Barbi» FOTY
Viarchoŭny sud likvidavaŭ Kansiervatyŭna-chryścijanskuju partyju
Paźniak: Ja paspryjaŭ Sachaščyku, daŭ jamu šmat avansaŭ. Na žal, jon ich nie apraŭdaŭ