Marafon «Nam nie ŭsio adno!» finišavaŭ, kančatkovaja sabranaja suma — 574 356 jeŭra
Marafon niezaležnych miedyja i arhanizacyj, praź jakija źbirali srodki dla dapamohi biełaruskim palitviaźniam, pačaŭsia ranicaj u subotu, 29 lipienia. Danacić možna było da 23:59 30 lipienia. Rubiež u 500 000 jeŭra pieraadoleli 30 lipienia ŭ 16:45, sabranaja suma da kanca zajaŭlenaha času — 574 356 jeŭra.
31.07.2023 / 00:07
Vyniki zboru srodkaŭ pieraŭzyšli ŭsie samyja śmiełyja čakańni. Napačatku marafona navat sami jahonyja arhanizatary pryznavalisia, što raźličvajuć na niekalki dziasiatkaŭ tysiač dalaraŭ, choć pieršapačatkovaja minimalnaja płanka była pastaŭlenaja na 200 tysiač jeŭra.
Upieršyniu pra 500 tysiač jeŭra jak metu skazała padčas vystupleńnia ŭ efiry marafonu Śviatłana Cichanoŭskaja. Tady jašče nie byli sabranyja i 200 tysiač, ale dynamika zboru pakazvała, što sabrać ich realna. U vyniku akazałasia, što navat 500 tysiač, jakija zdavalisia fantastyčnymi — nie miaža.
Sabranyja srodki buduć raźmierkavanyja siarod 13 fondaŭ — partnioraŭ akcyi.
Čytajcie taksama:
Jość 500 tysiač! Ludzi sabrali fantastyčnyja paŭmiljona jeŭra na dapamohu palitviaźniam
Śviatłana Kurs prapanavała pravieści jašče adzin marafon — dla biełaruskich vajaroŭ