WhatsApp dadaje videapaviedamleńni ŭ styli Telegram
Ciapier vy zmožacie zapisvać chvilinnyja klipy, kab pakazać surazmoŭcu, što vy robicie.
31.07.2023 / 10:32
Vyjava: Meta
Zaraz lohka pakazać svaim siabram u WhatsApp, što vy robicie, nie prykładajučy namahańniaŭ dla stvareńnia historyi. Servis zapuskaje imhniennyja videapaviedamleńni, padobnyja da Telegram, jakija dazvalajuć adkazvać u čacie pry dapamozie videa praciahłaściu da chviliny. Vam prosta treba nacisnuć i ŭtrymlivać knopku, kab zachapić videa; i vy možacie pravieści palcam uvierch, kab praciahvać zapis biez dapamohi ruk.
Videa budzie aŭtamatyčna prajhravacca biez huku, kab vy nikoha nie napałochali, pakul nie budziecie hatovyja ŭklučyć huk adnym naciskańniem. Imhniennyja paviedamleńni šyfrujucca skraznym šyfravańniem, a funkcyja pavinna być dastupnaja ŭsim karystalnikam u «najbližejšyja tydni», jak kažuć u kampanii.
Da novaha abnaŭleńnia va WhatsApp byli dastupnyja tolki funkcyi zvankoŭ, tekstavych i aŭdyjapaviedamleńniaŭ. Ciapier ža kiraŭniki matčynaj kampanii Meta vyrašyli narešcie dadać videapaviedamleńni, bo, mažliva, uspomnili, što na dvare 2023 hod.
Heta novaŭviadzieńnie, mahčyma, nie zamienić Telegram dla mnohich ludziej, choć WhatsApp pa-raniejšamu daminuje ŭ śfiery abmienu paviedamleńniami, prynamsi, u zachodnich krainach (pa stanie na śniežań 2022 hoda Telegram — šosty pa papularnaści hłabalny miesiendžar dla abmienu paviedamleńniami, jaki išoŭ adrazu paśla Snapchat).
Tamu, napeŭna, niadziŭna, što ŭ Cukierbierhavaj Meta jość stymuł da dziejańniaŭ. U toj čas jak WhatsApp maje bolš za dva miljardy aktyŭnych karystalnikaŭ pa stanie na minuły hod, Telegram chutka pašyrajecca i maje prykładna 700 miljonaŭ aktyŭnych karystalnikaŭ kožny miesiac, jak paviedamlaje Engaget. Snapchat taksama praciahvaje raści, niahledziačy na žorstkuju kankurencyju z boku inšych sacyjalnych płatformaŭ. IOS 17 ad Apple taksama prezientuje svaju hałasavuju i videapoštu FaceTime video voicemail dla karystalnikaŭ iPhone. Tamu, choć dadavańnie funkcyi imhniennych videapaviedamleńniaŭ moža i nie pierakanać karystalnikaŭ zarehistravacca, heta ŭsio ž moža ŭtrymać karystalnikaŭ WhatsApp ad drejfu da kankurentaŭ.
Čytajcie taksama:
WhatsApp uvioŭ mietad pieradačy danych na asnovie QR-koda
Meta zapuskaje novy servis Threads — niepasrednaha kankurenta Twitter. Zapusk užo zaŭtraMask i Cukierbierh uznačalili śpis samych bahatych ludziej śvietu