Valancinu Bołbat ź Vierchniadźvinska zabrali adsiedžvać prysudžanyja raniej 30 sutak aryštu
Hramadskuju aktyvistku ź Vierchniadźvinska ranicaj 31 lipienia milicyjanty zabrali z domu. Jana pavinna adsiedzieć prysudžanyja joj raniej 30 sutak, i, chutčej za ŭsio, heta budzie ŭ viciebskim IČU, jak piša «Viciebskaja viasna».
31.07.2023 / 10:43
Valancina Bołbat
Heta ŭžo nie pieršy aryšt, prysudžany viadomaj aktyvistcy ź Vierchniadźvinska. Umovy, u jakich jaje ŭtrymlivali za kratami, istotna pachisnuli zdaroŭje žančyny. Jana pieraniesła hipiertaničny kryz, maje prablemy z sercam, i z taje pryčyny niekalki razoŭ traplała ŭ špital paśla znachodžańnia ŭ źniavoleńni ŭ Navapołacku.
Aprača hetaha, žančyna maje zapazyčanaść pa prysudžanych raniej administracyjnych štrafach. Usiaho Valancinu Bołbat sioleta sudzili pavodle art. 19.11 KaAP i art. 24.23 KaAP šeść razoŭ.