Nobieleŭskaja łaŭreatka Aun San Su Čžy častkova pamiłavanaja ŭładami Mjanmy. A razam ź joj jašče 7700 palitviaźniaŭ
abnoŭlena
Raniej jaje asudzili na 11 hadoŭ. A ciapier jana budzie siadzieć 6 hadoŭ.
01.08.2023 / 09:25
Fota: Lauren DeCicca / Getty Images
Eks-dziarždaradca Mjanmy Aun San Su Čžy pamiłavanaja ŭładami, paviedamlaje telekanał MRTV.
Razam ź joj pamiłavańnie atrymali 7700 čałaviek.
Padčas papiarednich sudovych pracesaŭ jaje asudzili da 11 hadoŭ źniavoleńnia pavodle samych roznych abvinavačvańniaŭ, jakija jana admaŭlała i nazyvała palityčna matyvavanymi.
Su Čžy ŭ 1988 hodzie viarnułasia z Brytanii ŭ Mjanmu i ŭznačaliła apazicyju, 15 hadoŭ praviała pad chatnim aryštam. U 1991-m stała łaŭreatkaj Nobieleŭskaj premii miru. Źjaŭlałasia dziarždaradcam z 2016 da lutaha 2021 hoda. Na pasadu prezidenta pretendavać nie mahła zhodna ź miascovym zakanadaŭstvam.
1 lutaha 2021 hoda mjanmanskija vajskoŭcy zładzili pieravarot i abviaścili pra ŭviadzieńnie nadzvyčajnaha stanovišča terminam na hod i źniaćcie kiraŭnictva krainy, uklučajučy prezidenta Vin Mjina i Aun San Su Čžy. Pradstaŭniki vojska patłumačyli heta maštabnymi falsifikacyjami, jakimi, jak jany śćviardžajuć, supravadžalisia ŭsieahulnyja parłamienckija vybary, jakija prajšli ŭ listapadzie 2020 hoda, na jakich znoŭ pieramahła Su Čžy.
Tady chunta abvinavaciła Su Čžy ŭ parušeńni dziaržaŭnaj tajamnicy, nielehalnym uvozie partatyŭnaj radyjotechniki, vykarystańni hetaj aparatury bieź dziaržaŭnaj rehistracyi, parušeńni režymu nadzvyčajnaha stanovišča i atrymańni chabaru. Jaje aryštavali 1 lutaha prosta ŭ kabiniecie, z taho momantu da suda jaje nichto nie bačyŭ.
Su Čžy na siońnia 78 hadoŭ.