Žychara Viciebska zatrymali za dzień da viasiella i adpravili na 10 sutak
Maładoha chłopca asudzili za fota ŭ telefonie. Uryčystuju imprezu daviałosia admianić.
02.08.2023 / 13:19
Fota: JovanaT / Getty Images
U Viciebsku za dzień da viasiella da žanicha (poŭnyja źviestki pra jaho asobu jość u Redakcyi) pryjšli siłaviki, zabrali ŭ chłopca telefon i znajšli tam fota ź bieł-čyrvona-biełym ściaham, zroblenyja ŭ 2020 hodzie. U toj samy dzień jaho asudzili da 10 sutak aryštu i adrazu z sudu zabrali ŭ izalatar časovaha ŭtrymańnia.
Čamu da chłopca pryjšli, dakładna nieviadoma. Padčas pratestaŭ 2020 hoda jaho nie zatrymlivali, palitykaj jon cikavicca mała, siarod intaresaŭ pieravažajuć sport i zdarovy ład žyćcia. Niadaŭna viarnuŭsia z-za miažy, chłopiec jeździŭ u Polšču.
Viciablanin prasiŭ adterminavać vykanańnie sudovaha rašeńnia: na nastupny dzień u jaho była pryznačana viasielle z usimi naležnymi atrybutami — uračystaj rehistracyjaj i zamoŭlenaj kaviarniaj na niemałuju kolkaść haściej. I chacia pa zakanadaŭstvie asudžany maje 10 dzion na abskardžańnie sudovaj pastanovy, chłopcu ŭ adterminoŭcy admovili.
Taksama sud admoviŭ i ŭ vydačy daviedki dla ZAHS, kab tam pieranieśli rośpis. Ciapier, vyjšaŭšy na volu, jamu daviadziecca nanoŭ padavać zajavu na rehistracyju šlubu i čakać niekalki miesiacaŭ.