U Minkulcie pačali raspracoŭvać kancepcyju kulturnaha impartazamiaščeńnia
U Ministerstvie kultury prajšła narada «pa pytańni raspracoŭki prahramy Kancepcyi kulturnaha impartazamiaščeńnia», paviedamiła pres-słužba viedamstva.
03.08.2023 / 20:09
Padčas narady. Fota: t.me / minkultrb
U lik udzielnikaŭ pracoŭnaj hrupy, akramia supracoŭnikaŭ ułasna Minkultury, uvajšli pradstaŭniki Ministerstva adukacyi, Ministerstva infarmacyi, akademičnych Instytutaŭ movaznaŭstva, litaraturaznaŭstva i historyi.
Padrabiaznaściaŭ pracesu raspracoŭki kancepcyi pakul niama, ale ŭ lipieni načalnica hałoŭnaha ŭpraŭleńnia dziaržaŭnych śpiecyjalnych kulturnych mierapryjemstvaŭ i prafiesijnaha mastactva Minkulta Iryna Dryha ŭžo zhadvała ŭ efiry STB, što prahrama kulturnaha impartazamiaščeńnia budzie realizavanaja ŭ Biełarusi ŭ 2024—2026 hadach.
«Niekali vielmi śmiešna hučała «75% biełaruskaj muzyki», ale my da hetaha idziom i starajemsia. Takija ž, skažam, prajekty i kroki pa pratekcyjanisckich adnosinach da biełaruskaj muzyki, pieśni, litaratury, kino, teatra buduć rabicca va ŭsich śfierach», — nahadvaje jaje słovy Reform.by.
Čytajcie taksama: