Dvuch palitviaźniaŭ adpravili ŭ kałoniju za try sarvanyja ściahi, adnaho ź ich užo druhi raz
Sud Kamianieckaha rajona 1 žniŭnia asudziŭ dvuch palitźniavolenych da pazbaŭleńnia voli za try sarvanyja ściahi. Pavodle art. 370 Kryminalnaha kodeksa (ździek ź dziaržaŭnych simvałaŭ) 18-hadovamu Zacharu Siniakovu pryznačyli paŭtara hoda kałonii va ŭmovach ahulnaha režymu, a 19-hadovamu Jelisieju Kuźniacovu, jaki całkam adbyŭ termin pa inšaj kryminalnaj spravie, — dva z pałovaj hady. Taki prysud vyniesła sudździa Halina Prychožka, piša «Bieraściejskaja viasna».
03.08.2023 / 22:30
Jelisiej Kuźniacoŭ i Zachar Siniakoŭ
Pavodle viersii abvinavačańnia, u noč z 14 na 15 maja 2023 hoda ŭ ahraharadku Vojskaja (Kamianiecki rajon Bresckaj vobłaści) chłopcy nibyta sarvali try dziaržaŭnyja ściahi z ustanovy adukacyi, handlovaha abjekta i adździaleńnia pošty.
Dla Jelisieja Kuźniacova heta ŭžo druhaja palityčnaja kryminalnaja sprava z 2020 hoda: pieršy raz jaho sudzili za nibyta kinuty kaktejl Mołatava. 17 śniežnia 2022 hoda Jelisiej całkam adbyŭ termin u navapołackaj kałonii № 1 i vyjšaŭ na volu.
23 maja stała viadoma, što Jelisieja pakazalna ŭziali pad vartu ŭ Vysokaŭskim ahrarnym kaledžy.
Čytajcie taksama:
Pryznali palitviaźniami jašče 14 čałaviek
Jašče adnaho biełarusa zatrymali — mahčyma, jon pisaŭ u fejkavy čat-bot płana «Pieramoha»
Zatrymali načalnika adździeła kampanii. Jaho vinavaciać u napisańni ŭ bot «Niechta»