Stali viadomyja 5 najbolšych padatkapłatnikaŭ Litvy ź biełaruskimi karaniami
Pa vynikach pieršaha paŭhodździa, pavodle danych Dziaržaŭnaj padatkovaj inśpiekcyi Minfina Litvy, Wargaming Vilnius zapłaciŭ u kaznu kala €5,2 młn. Z hetym pakazčykam kampanija zaniała 52-je miesca ŭ top-500 płacielščykaŭ susiedniaj krainy, piša Office Life.
05.08.2023 / 16:49
Fota: Office Life
Akramia Wargaming Vilnius, u śpis najbujniejšych padatkapłatnikaŭ uvajšli jašče čatyry kampanii, da jakich majuć dačynieńnie biełarusy.
U EPAM Sistemos 70-je miesca, jaje padatkovyja vypłaty skłali krychu bolš za €4 młn.
Vytvorca aptyčnych prycełaŭ Yukon Advanced Optics Worldwide zaniaŭ 137-je miesca. Kampanija pieraličyła ŭ litoŭski biudžet amal €2,5 młn.
Vidar Baltic, jakaja zajmajecca arhanizacyjaj zbytu karmoŭ — 355-ja z sumaj vypłat €1,1 młn.
Jašče adnoj IT-kampanii ź biełaruskimi karaniami — Gurtam —dastałasia 455-je miesca. Raspracoŭščyk telematyčnych sistem, jaki zakryŭ svaje ofisy ŭ Biełarusi i Rasii, zapłaciŭ kala €0,9 młn padatkaŭ u Litvie.
Čytajcie taksama:
EPAM Systems upieršyniu stała hałoŭnym padatkapłacielščykam IT-haliny Litvy