Namieśnik načalnika HUBAZiK nie vieryć, što narodny supraciŭ złamany
Namieśnik načalnika HUBAZiK Michaił Biedunkievič ličyć, što kali ciapier u Biełarusi spynić pieraśled inšadumcaŭ, to «jany znoŭ pačnuć pracavać suprać nas». Pra heta jon zajaviŭ u intervju prapahandystu Ryhoru Azaronku.
06.08.2023 / 23:04
Pavodle Biadunkieviča, «časam dzieści praskokvaje na roznych resursach i ŭ roznych srodkach masavaj infarmacyi takija voś pasyły, što moža my ŭžo pieramahli, moža para daravać, moža para adstać». Ale namieśnik načalnika HUBAZiK z hetym nie zhodny.
«Kali nie pracavać nad hetym, dyk tady jany znoŭ pačnuć pracavać suprać nas. Zjaviacca i adužejuć tyja ž schavanyja jačejki, buduć raźvivacca inicyjatyvy, budzie iści praca pa padryvu dziaržavy znutry, buduć škodzić, paskudzić. Kali nie budziem pracavać, znoŭ mohuć być pieradumovy da tych prablem, jakija ŭźnikli ŭ nas nie tak daŭno», — skazaŭ Biedunkievič.
Tamu jon abiacaje praciahvać palityčnyja represii:
«Kali jašče da kahości nie dajšli, to heta nia značyć, što jany nieviadomyja. Prosta, mahčyma, ciapier heta nie treba rabić. Pryjdzie čas, my ŭsio heta raskažam i pakažam».
Biadunkievič pakazaŭ Azaronku «trafiei HUBAZiK» — karobku z rečami, kanfiskavanymi ŭ represavanych biełarusaŭ. Siarod takich «trafiejaŭ»: bieł-čyrvona-biełyja ściahi, znački z «Pahoniaj» i z vyjavaj Kastusia Kalinoŭskaha, a taksama kamizelki «Presa», u jakich žurnalisty pracavali na akcyjach pratestu.
Čytajcie taksama:
«Uziaŭ dubinku ŭ supracoŭnikaŭ i pakazaŭ, jak treba bić». Bajpołaviec — pra ministra Kubrakova
Namieśnik načalnika HUBAZiKa raskazaŭ, da kaho najpierš prychodziać padčas začystki